Forbes ամսագիրը կազմել է ամենահարուստ քաղաքական գործիչների ցուցակը, որի համաձայն քաղաքական գործիչներից ամենատպավորիչ կարողության տեր է Նյու Յորքի քաղաքապետ Մայքլ Բլումբերգը:
Բլումբերգը հիմնադրել եւ ղեկավարում է Bloomberg տեղեկավական գործակալությունը: Քաղաքականության մեջ է 1990-ական թ-երից, 2001 թ-ին դարձել է Նյու Յորքի քաղաքապետ (առաջադրվել է Հանրապետական կուսակցության կողմից): Քաղաքապետի պատոնում նա ստանում է 1 դոլար աշխատավարձ եւ ապրում է բացառապես սեփական բիզնեսի շահույթի հաշվին:
Ցուցակում երկրորդ տեղն է զբաղեցնում ռուս քաղաքական գործիչ Միխայիլ Պրոխորովը, ով վերջերս առաջադրվել էր նախագահի պաշտոնի համար: Նորաստեղծ «Քաղաքացիական պլատֆորմ» կուսակցության առաջնորդ, ներդրումային «ՕՆԵԿՍԻՄ խումբ» մասնավոր հիմնադրամի ղեկավար Պրոխորովը քաղաքականություն է եկել 2011 թ-ի կեսերին, հաղորդում է NEWSru.com-ը:
Ցուցակի երրորդ տեղում է գտնվում Վրաստանի այժմյան վարչապետ Բիձինա Իվանիշվիլին, ով իր ունեցվածքը աշխատել է Ռուսաստանոմ` ստեղծելով «Ռոսիյսկիյ կրեդիտ» բանկը: Վրաստանում քաղաքական գործունեություն սկսելուց առաջ Իվանիշվիլին վաճառել է ռուսական իր ակտիվները:
Ցուցակում նրան հետեւում են Իտալիայի սկանդալային նախկին վարչապետ Սիլվիո Բեռլուսկոնին: Ցուցակի մեջ է հայտնվել նաեւ ԱՄՆ-ի երկակի նախագահի թեկնածու Հենրի Ռոսս Պերոն, ռուս սենատոր Անդրեյ Գուրեւը, «Ազատ եգիտպտացիներ» կուսակցության առաջնորդ Նագիբ Սավիրիսը, Չիլիի նախագահ Սեբաստիան Պինիերան եւ այլոք:
