Ռեալի գլխավոր մարզիչ Կարլո Անչելոտտին Ատլետիկոյի հետ Չեմպիոնների լիգայի եզրափակիչի նախօրեին տված ասուլիսի ժամանակ նշել է, որ կենտրոնացած է խաղի, այլ ոչ թե խոսակցությունների վրա: Մարզիչը համարում է, որայս մրցաշրջանն առանձնահատուկ է, քանի որ արքայական ակումբը կարող է նվաճել իր պատմության 10-րդ չեմպիոնների գավաթը:
«Եզրափակիչը եզրափակիչ է: Այլ եզրափակիչների հետ համեմատ տարբերությունը մեծ չէ, բայց այն կա: Մենք մրցաշրջանը սկսել ենք եզրափակիչ դուրս գալու և տասներորդ տիտղոսը նվաճելու համար: Ու ահա մենք եզրափակչում ենք: Նախախաղային ելույթներ կազմելու փոխարեն ես ամենից առաջ կենտրոնացած եմ մարտավարության և խաղի համար ֆուտբոլիստներին տրվելիք հանձնարարությունների վրա:
Բոլորը գիտեն ինչ կարևոր է Ռեալի համար Չեմպիոնների լիգան: Մադրիդում լինելու առաջին օրվանիցս ասել եմ` կանեմ ամեն հնարավորը, որ օգնեմ Ռեալին նվաճել այս մրցանակը:
