ՀՀ վարչապետի տիկին, «Իմ քայլը» եւ «City of smile/Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանի նախաձեռնությամբ Հայաստանի Ազգային պատկերասրահում դեկտեմբերի 26-ին տեղի է ունեցել ամանորյա միջոցառում, որին մասնակցել են հաշմանդամություն ունեցող, սոցիալապես անապահով ընտանիքների, զոհված ազատամարտիկների 9-12 տարեկան շուրջ 350 երեխաներ: Միջոցառման ընթացքում փոքրիկների համար կատարումներով հանդես են եկել «Հայաստանի փոքրիկ երգիչներ» երգչախումբը, որից հետո փոքրիկ հյուրերը դիտել են «Անխելք մարդը» ներկայացումը Հովհաննես Թումանյանի անվան տիկնիկային թատրոնի դերասանների մասնակցությամբ: Ամանորյա միջոցառման շրջանակում երեխաները մասնակցել են հյուրասիրությանը, ինչպես նաեւ ներկա գտնվել զվարճալի շոու ծրագրին:
Դեկտեմբերի 29-ին վարչապետի տիկնոջ նախաձեռնությամբ սահմանամերձ գյուղերի 800 երեխաներ Գաբրիել Սունդուկյանի անվան ազգային ակադեմիական թատրոնում կդիտեն «Ալլադին» ներկայացումը, որից հետո կայցելեն Երեւանում գործող ժամանացի տարբեր վայրեր:
Ամանորյա միջոցառումն իրականացվում է ՀՀ վարչապետի աշխատակազմի պահուստային ֆոնդի աջակցությամբ։ Ծրագրի կազմակերպման համար տրամադրվել է 5 միլիոն դրամ։
![](https://i0.wp.com/old.araratnews.am/wp-content/uploads/2019/12/Աննա-Հակոբյանի-նախաձեռնությամբ-շուրջ-350-երեխաներ-Ազգային-պատկերասրահում-մասնակցել-են-ամանորյա-միջոցառման-7.jpg?w=640)
![](https://i1.wp.com/old.araratnews.am/wp-content/uploads/2019/12/Աննա-Հակոբյանի-նախաձեռնությամբ-շուրջ-350-երեխաներ-Ազգային-պատկերասրահում-մասնակցել-են-ամանորյա-միջոցառման-11.jpg?w=640)
![](https://i1.wp.com/old.araratnews.am/wp-content/uploads/2019/12/Աննա-Հակոբյանի-նախաձեռնությամբ-շուրջ-350-երեխաներ-Ազգային-պատկերասրահում-մասնակցել-են-ամանորյա-միջոցառման-12.jpg?w=640)
![](https://i1.wp.com/old.araratnews.am/wp-content/uploads/2019/12/Աննա-Հակոբյանի-նախաձեռնությամբ-շուրջ-350-երեխաներ-Ազգային-պատկերասրահում-մասնակցել-են-ամանորյա-միջոցառման-13.jpg?w=640)
![](https://i0.wp.com/old.araratnews.am/wp-content/uploads/2019/12/Աննա-Հակոբյանի-նախաձեռնությամբ-շուրջ-350-երեխաներ-Ազգային-պատկերասրահում-մասնակցել-են-ամանորյա-միջոցառման-14-1.jpg?w=640)