Պակիստանցի աշակերտուհի Մալալա Յուսուֆզայը դարձել է Անդրեյ Սախարովի անվան մրցանակի դափնեկիր, ինչի մասին հայտարարել են այդ մրցանակը շնորհող Եվրախորհրդարանում: Այս տարի բացի Մալալայից այս պատվավոր մրցանակին հավակնում էր նաև բելառուսցի մի խումբ իրավապաշտպաններ և Էդվարդ Սնոուդենը, ով գաղտնազերծել էր ամերիկյան հատուկ ծառայությունների փաստաթղթերը:
Մրցանակը շնորհվում է 1988 թվականից, հաղթողը ստանում է 50 հազար եվրո:
Հիշեցնենք, որ անցած տարի Մալալա Յուսուֆզայը թալիբների կողմից ենթարկվել էր հարձակման, քանի որ հրաժարվել էր կատարել նրանց պահանջը և չայցելել դպրոց: Մի քանի օր առաջ Յուսուֆզայը ստացել է նաև իրավապաշտպան Աննա Պոլիտկովսկայայի անվան մրցանակը:
