Գերմանիայի կանցլեր Անգելա Մերկելն ինքնամեկուսացել է, երբ հայտնի է դարձել, որ Գերմանիայի առաջնորդն անցած ուրբաթ շփում է ունեցել մի բժշկի հետ, որի կորոնավիրուսի թեստը դրական արդյունք է ցույց տվել:
Այդ պատճառով Գերմանիայի կանցլերը որոշել է որոշ ժամանակ անցկացնել ինքնամեկուսացման մեջ՝ բացառելով այլ մարդկանց հետ շփումը: Այս մասին հայտնում են արտասահմանյան լրատվամիջոցները՝ վկայակոչելով կառավարության մամուլի ծառայությանը:
Հաղորդվում է, որ նույնիսկ տան կարանտինում գտնվելիս կանցլերը կշարունակի կատարել իր պարտականությունները:
Գերմանիայում արձանագրվել է կորոնավիրուսով վարակվելու ավելի քան 24 հազար դեպք: Վարակի զոհ է դարձել 94, ապաքինվել՝ 266 մարդ:
