Այս տարվա սկզբից Վրաստանի պետական սահմանը հատել է 4,556 միլիոն այցելու, ինչը 23,7%-ով ավելին է նախորդ տարվա նույն ժամանակահատվածի ցուցանիշից: Այս մասին հողորդում է Apsny.ge-ն` հղում կատարելով Ներքին գործերի նախարարությանը:
Այդ այցելուներից մոտ մեկ միլիոնը եղել են Վրաստանի տարածքով տրանզիտ ուղևորներ, իսկ 1,78 մլն-ը Վրաստան է այցելել զբոսաշրջային նպատակներով: Նախորդ տարվա առաջին 10 ամիսների ընթացքում նույն ցուցանիշները կազմել են համապատասխանաբար 754 հազար ու 1,79 մլն այցելու:
