Մոտ մեկ ժամ առաջ Ստյոպա Սաֆարյանը Ֆեյսբուք սոցիալական ցանցի իր էջում տեղեկացրել էր, որ Թամանյանի արձանի մոտ ինչ որ անձինք խոչընդոտում են «Մենք սատարում ենք Վարդան Պետրոսյանին» խմբի անդամների կողմից իրականացվող ստորագրահավաքը:
Araratnews.am-ի հետ զրույցում Ստյոպա Սաֆարյանը հայտնեց, որ ինքը ժամանել է դեպքի վայր: Պարզվել է, որ խոչընդոտողները Կասկադ համալիրի անվտանգության աշխատակիցներն են: Նա փորձել է զրուցել անվտանգության ծառայության պետի հետ, սակայն լրագրողների առկայությամբ վերջինս խուսափել է մոտենալ: Այս պահին ստորագրահավաքը չի խոչընդոտվում և շարունակվում է:
