ԱՄՆ պետքարտուղարության ներկայացուցիչները երեկ ուշ երեկոյան հաստատել են, որ ԱՄՆ-ԵՄ-Իրան բանակցություններն այսօր շարունակություն կունենան։ Այս մասին հաղորդում է France Presse գործակալությունը։
Արդեն տեղեկացրել ենք, որ ԱՄՆ պետքարտուղար Ջոն Քերին դադարեցրել է իր այցելությունը արաբական երկրներ և շտապ ժամանել է Ժնև, որտեղ անցնում են Իրանի միջուկային ծրագրի վերաբերյալ Իրան — «վեցյակ» բանակցությունները։
Պետքարտուղար Ջոն Քերին և ԵՄ արտաքին գերատեսչության գլխավոր հանձնակատար Քեթրին Էշթոնը հաստատել են, որ բանակցությունները շարունակվելու են։ Ակնկալվում է, որ այս հարցով կարձանագրվի լուրջ առաջընթաց։
