Այսօր նշվում է տեսողության համաշխարհային օրը։ Այն ավանդաբար նշվում է հոկտեմբեր ամսվա երկրորդ հինգշաբթի օրը։
Նպատակը մեկն է՝ ավելի շատ մարդու ուշադրություն հրավիրել տեսողական խնդիրների վրա։
Առողջապահության համաշխարհային կազմակերպության տվյալներով՝ աշխարհում մոտ 300 միլիոն մարդ խնդիրներ ունի տեսողության հետ, որոնցից 19 միլիոնը երեխաներ են։ Բժիշկները խորհուրդ են տալիս տարին մեկ անգամ գնալ ակնաբույժի մոտ, ինչը թույլ կտա խնդիրները հայտնաբերել հենց սկզբում ու համապատասխան միջոցներ ձեռնարկել։ Մասնագետները կարծում են, որ աչքի հիվանդությունների մոտավորապես 80 տոկոսը հնարավոր է բուժել։
