ԱՄՆ բանակի երկու գեներալ պաշտոնանկ են արվել այն բանից հետո, երբ նրանց մեղադրել են Աֆղանստանում ռազմական օդանավակայանի անվտանգությունը պատշաճ չկազմակերպելու համար, ինչի հետևանքով այն ենթարկվել էր թալիբների հարձակմանը։ Այս մասին հաղորդում է BBC-ն։
Գեներալներ Չարլզ Գուրգանուսը և Գրեգ Ստորդևանտը չորս ամիս տևած քննության արդյունքում սուր քննադատության են ենթարկվել Աֆղանստանի հարավում գտնվող Հեմլենդ նահանգի ավիաբազան չպաշտպանելու համար։ Թալիբների հարձակման հետևանքով զոհվել էր 2 զինծառայող, ութը ստացել էին մարմնական վնասվածքներ։ Բացի այդ, գրոհայիններին հաջողվել էր ոչնչացնել 6 ինքնաթիռ։
