ԱՄՆ ՊՆ ղեկավարը ժամանում է Թուրքիա երկոկղմ խաթարված հարաբերությունները կարգավորելու համար

ԱՄՆ պաշտպանության նախարար Չաք Հեյգելը հունվարի 27-ին կայցելի Թուրքիա։ Այս մասին հաղորդում է Hurriyet Daily News-ը։ Պաշտոնական այցի ժամանակ Հեյգելը կհանդիպի Թուրքիայի պաշտպանության նախարար Իսմեթ Յըլմազի և մի շարք այլ բարձրաստիճան պաշտոնյաների հետ։

Կողմերը կքննարկեն այնպիսի հարցեր, ինչպիսիք են Թուրքիայի համագործակցությունը Չինաստանի հետ հակաօդային պաշտպանության համակարգերի ստեղծման ոլորտում, ինչպես նաև Սիրիայի դեպքերը։

Տեղեկացնենք, որ երկկողմ հարաբերությունները սրվել են այն բանից հետո, երբ Թուրքիայի վարչապետ Ռեջեփ Թայիպ Էրդողանը կոռուպցիոն սկանդալի հրահրման մեջ մեղադրեց մի շարք օտարերկրյա պետությունների և նրանց դեսպանների։ Փորձագետների կարծիքով՝ ակնարկվող երկրների թվում էր նաև ԱՄՆ-ը։