ԱՄՆ պետքարտուղար Ջոն Քերին անսպասելիորեն ժամանել է Աֆղանստանի մայրաքաղաք Քաբուլ: Այս մասին հաղորդում է Reuters գործակալությունը:
Գոյություն ունեցող տեղեկատվության համաձայն, պետքարտուղարի այցի նպատակը ԱՄՆ-ի և Աֆղանստանի միջև գոյություն ունեցող հակասությունների հարումն է, որոնք առաջացել են վերջին ժամանակներում: Սպասում է, որ կքննարկվի նաև առաջիկայում ԱՄՆ-ի և Աֆղանստանի միջև ստորագրվելիք անվտանգության պայմանագրի նախագիծը:
Հիշեցնենք, որ անցած շաբաթ Աֆղանստանի նախագահ Համիդ Քարզայը քննադատել էր ՆԱՏՕ-ին, որոնք, ըստ նախագահի, որևէ օգուտ չեն բերել, ավելին՝ վնասել են երկրի ինքնիշխանությանը:
