ԱՄՆ-ում ամենասիրված տոներից մեկից առաջ՝ Գոհաբանության օրվա նախօրեին վատ եղանակային պայմանների պատճառով հետաձգվել է ավելի քան 6 հազար չվերթ, որոնցից 271-ն ընդհանրապես չեղյալ են հայտարարվել։ Այս մասին հաղորդում է CNN-ը։
Հիմնականում հետաձգվել են Արևելյան ափի օդանավակայանների չվերթները։ Գնացքներն աշխատում են անխափան։ Սակայն մերկասառույցն ու ձյունը խոչընդոտներ են ստեղծում ավտոտրանսպորտի համար։ Գրանցվել են բազմաթիվ վթարներ։
