ԱՄՆ-ի ազգային անվտանգության գործակալությունը հետևում է աշխարհում ամեն օր օգտագործվող շուրջ 5 մլրդ բջջային սարքերի աշխատանքին։ Այս մասին գրում է The Washington Post-ը, որը հրապարակել է ամերիկյան նախկին գաղտնի գործակալ Էդվարդ Սնոուդենի կողմից տրամադրված փաստաթղթերից մեկը։
Թերթը եզրակացնում է, որ Գործակալությունը, փաստորեն, հետևում է աշխարհում ցանկացած բջջային հեռախոսից իրականացված զանգերին և գիտի, թե ով ում հետ է կապվում։ ԱՄՆ-ի ազգային անվտանգության գործակալության մամուլի խոսնակը հրաժարվել է մեկնաբանել այդ հրապարակումը։
