Գերմանիայի կառավարության ներկայացուցիչը հայտարարել է, թե երկրի կառավարությունը տեղեկություն ունի այն մասին, որ կանցլեր Անգելա Մերկելի բջջային հեռախոսը, հնարավոր է, գաղտնալսվել է ԱՄՆ հատուկ ծառայությունների կողմից: Այս մասին հաղորդում է France Presse-ը:
Կառավարության պաշտոնական ներկայացուցիչը հայտարարել է, որ կանցլերը հեռախոսային զրույց է ունեցել ԱՄՆ նախագահ Բարաք Օբամայի հետ և հասկացրել նրան, որ ինքը միանշանակ բացառում է նմանօրինակ գործողությունները՝ եթե դրանց մասին տեղեկությունները հաստատվեն, ինքը դրանց կիրառումը բացարձակապես անընդունելի է համարում»:
