ԱՄՆ Կոնգրեսի ստորին պալատի մի շարք անդամներ առաջարկել են ԱՄՆ-ում Չինաստանի դեսպանատան դիմացի փոքր հրապարակն անվանակոչել իրավապաշտպան Լյու Սյաոբոյի անունով, ով ներկայում գտնվում է չինական բանտում «պետական կարգը տապալելուն ուղղված գործողությունների համար»։ Հուլիսի 24-ին այդ նախաձեռնությունը հավանության է արժանացել ներկայացուցիչների պալատի հատկացումների հանձնաժողովում։
Այս օրինագիծն օրենքի ուժ կստանա միայն այն դեպքում, եթե հավանության արժանանա Ներկայացուցիչների ամբողջ պալատի, Սենատի և ԱՄՆ նախագահի կողմից։
Սպասվում է, որ որ նման որոշումը կառաջացնի Պեկինի բուռն դժգոհությունը, քանի որ Չինաստանը 3.5 տարի առաջ դադարեցրել էր Նորվեգիայի հետ բոլոր դիվանագիտական շփումներն այն բանից հետո, երբ Լյու Սյաոբոն արժանացել էր Խաղաղության նոբելյան մրցանակի։
