Սոչիում կայանալիք ձմեռային օլիմպիական խաղերում ամերիկյան պատվիրակությունը կղեկավարի ԱՄՆ-ի ազգային անվտանգության նախկին նախարար Ջանեթ Նապոլիտանին։ Այս մասին հաղորդում է The Telegraph-ը։
Բացի այդ, ամերիիկյան մարզական իշխանությունները պատրաստվում են պատվիրակությունում ընդգրկել երկու մարզիկի՝ թենիսիստ Բիլի Ջին Քինգին և հոկեյիստ Քեյթլի Քեհոուին, ովքեր հայտարարել են, որ իրենք նույնասեռական են։ Ըստ պարբերականի՝ ամերիկյան իշխանությունները միտումնավոր են գնացել այս քայլին, որպեսզի հստակ ցույց տան Ռուսաստանին, որ իրենք համաձայն չեն «նույնասեռականների դեմ ընդունված օրենքներին»։ Սպիտակ տան կողմից տարածված հայտարարության մեջ ասվում է, որ ԱՄՆ-ն կներկայացնի այն ամբողջ բազմազանությունը, որ կա ԱՄՆ-ում։
