ԱՄՆ իշխանությունները Թուրքիային տեղյակ են պահել, որ մտահոգված են այն տեղեկություններով, համաձայն որոնց վերջինս մտադիր է համագործակցել Չինաստանի հետ հակաօդային պաշտպանության ոլորտում։ Այս մասին այսօր հայտարարել է պետքարտուղարության հատուկ ներկայացուցիչ Ջեն Փսակին։
Araratnews.am-ն արդեն տեղեկացրել է, որ Թուրքիան պատրաստվում է համատեղ ձեռնարկություն ստեղծել չինական մի ընկերության հետ, որի դեմ ԱՄՆ-ը կիրառել է պատժամիջոցներ Իրանի, Հյուսիսային Կորեայի և Սիրիայի հետ ռազմական համագործակցության համար։
«ԱՄՆ-ն ամենաբարձր մակարդակով տեղեկացրել է Թուրքիային, որ մտահոգված է Անկարայի կողմից հակահրթիռային այնպիսի համակարգերի կիրառմամբ, որոնք անհամատեղելի են ՆԱՏՕ-ի հետ»,- ասել է Փսակին՝ հավելելով, որ քանի որ գործարքը դեռ վերջնական կնքված չէ, իրենք չեն ցանկանում խոսել այն մասին, թե ինչ միջոցներ կկիրառվեն Թուրքիայի դեմ։
