Նյու-Յորքի համալսարանի անցկացված սոցիոլոգիական հարցումների արդյունքում ընտրվել են ամենանյարդայնեցնող բառերը: Հինգերորդ անգամ անընդմեջ ամենանյարդայնեցնող բառն է ճանաչվել whatever (ինչևէ, կարևոր չէ) բառը: Այս մասին հայտնում է ИТАР-ТАСС-ը:
whatever-ի օգտագործումը նյարդայնեցնում է հարցված ամերիկացիների 38%-ին: Հաջորդը like (ասենք, օրինակ) բառն է, որը նյարդայնեցնում է 22 %-ին: Երրորդ տեղում you know (դե դու գիտես) արտահայտնությունն է 18%-ով:
Բացի այդ, ամերիկացիների 14%-ը տանել չի կարողանում just saying (ուղակի եմ ասում),իսկ 6%-ը` obviously (ակնհայտորեն) բառերը:
Հարցման մասնակիցներին հարցրել են նաև, թե այս տարվա ընթացքում ամերիկայի պաշտոնյաների կողմից հաճախ օգտագործվող ո՞ր բառն է նրանց հունից հանում: 41%-ը պատասխանել է, որ իրենք սաստիկ նյարդայնանում են Obamacare բառից, որը Օբամայի կողմոց առաջարկվող նոր առողջապահական ծրագրի անվանումն է:
