Բրազիլիայում ջրհեղեղների պատճառով զոհերի թիվը հասել է 40-ի: Հորդառատ անձրևները դարձել են նաև սողանքների պատճառ: Արդեն տասն օր է, ինչ երկրի արևելյան շրջաններում չեն դադարում հորդառատ անձրևները: Էսպիրիտու Սանտու և Մինաս Ժերայս նահանգների մեծ մասը վերածվել է աղետի գոտու:
Նշված առաջին նահանգում մոտ 50 հազար մարդ լքել է իր տունը և ապաստան գտնել իշխանությունների կողմից տրամադրված ապաստաններում, կամ բարեկամների բնակարաններում` այնտեղ նշելով Ծննդյան տոները: Բնակիչներին օգնության են հասել քաղաքացիական պաշտպանության ստորաբաժանումները:
Իշխանությունները նշում են, որ վերջին 90 տարում սա ամենաանձրևոտ դեկտեմբերն է Բրազիլիայում:
