Ոստիկանությունն ավարտել է ընտանեական բռնության հերթական դեպքով նախաքննությունը, որով որպես մեղադրյալ անցնում է 35-ամյա գյումրեցին։
Քրեական գործի առիթ հանդիսացած վիճաբանությունը ամուսինների միջեւ տեղի է ունեցել մոտ երկու ամիս առաջ՝ 2013 թվականի հոկտեմբերին։ Արդյունքում, ամուսինը ծեծել է կնոջը՝ հարվածելով ինչպես գլխին, այնպես էլ մարմնի տարբեր մասերին։ Ավելին, նա նաեւ կծել է կնոջ ձեռքը, ինչի հետեւանքով, ըստ դատաբժիշկների, կնոջը պատճառվել է ֆիզիկական ցավ:
Գյումրեցուն մեղադրանք է առաջադրվել ՀՀ քրեական օրենսգրքի 118-րդ հոդվածով, որը նախատեսում է տուգանք` նվազագույն աշխատավարձի առավելագույնը հարյուրապատիկի չափով, կամ կալանքով` առավելագույնը երկու ամիս ժամկետով:
Նյութն ամբողջությամբ` lragir.am-ից
