ԱՄՆ ներկայացուցիչների պալատի հետախուզության հարցերով հանձնաժողովի նախագահ Մայք Ռոջերսը հայտարարել է, որ անհանգստացնում է Աֆղանստանում «Ալ-Քաիդա» խմբավորման դիրքերի ամրապնդումն այն ժամանակ, երբ ԱՄՆ-ի և ՆԱՏՕ-ի զորքերը պատրաստվում են ամբողջությամբ հեռանալ այդ երկրից։ Այս մասին գրում է Associated Press-ը։
«Կարծում եմ, որ գրոհայինների մեծ մասը սպասում է 2014 թվականին ԱՄՆ-ի հեռանալուն», — ասել է նա։
Նշվում է, որ ահաբեկչական խմբավորումն այժմ զբաղված է գրոհայիններին մարզելով և տեղական կապերն ուժեղացնելով։ Ի պատասխան այս քայլերի՝ ամերիկյան կողմը սկսել է հաճախակի հրթիռային հարվածներ հասցնել Քունար և Նուրիստան նահանգներում տեղակայված գրոհայինների բազաներին։
