 Անցած շաբաթ ԱՄՆ հատուկջոկատայինների կողմից ձերբակալված «Ալ-Կաիդայի» պարագլուխներից մեկը՝ Աբու Անաս Ալ-Լիբին, պահվում է միջերկրական ծովում գտնվող ամերիկյան ռազմանավի վրա: Համաձայն հաղորդագրության, նրան արդեն հարցաքննում են մի խումբ քննիչներ, առանց դատապաշտպանների ներկայության,- հաղորդում է ITAR-TASS գործակալությունը:
Հիշեցնենք, որ կիրակի Պենտագոնի մամլո խոսնակ Ջորջ Լիթլը հայտարարել է, թե Աբու Անաս Ալ-Լիբին պահվում է Լիբիայի սահմաններից դուրս գտնվող անվտանգ մի վայրում՝ չպարզաբանելով, սակայն, թե կոնկրետ որ տեղանքում է գտնվում նա:
Այսօր պարզ դարձավ, որ ահաբեկչին տարել են ԱՄՆ ռազմածովային ուժերի «Սան Անտոնիո» նավը, որը հենց այդ նպատակով էր ուղարկվել Լիբիայի ափամերձ գոտի: |
