Տավուշի մարզի սահմանամերձ Մովսես գյուղի գյուղապետ Արարատ Ավալյանը Araratnews.am-ի հետ զրույցում նշում է, որ դեկտեմբերի 15-ին ադրբեջանական կողմից կրկին կրակոցներ են հնչել գյուղի ուղղությամբ:
Հիշեցնենք, որ դեկտեմբերի 15-ին Մովսեսի պաշտպանական դիրքերում ադրբեջանական դիպուկահարի կրակոցից զոհվեց եւս մեկ պայամանագրային զինծառայողˋ 26-ամյա Հրանտ Պողոսյանը, որը Բերդ քաղաքի բնակիչ էր:
«Վերջին ամիսներին նույն կերպ է: Դրանց գրաֆիկ չկա, ադրբեջանցու մտքով երբ անցնում է՝ կրակում է, միշտ էլ կրակում են»,- ասում է Արարատ Ավալյանը:
Ադրբեջանական կողմի հետ 18 կմ սահմանագիծ ունեցող Մովսես գյուղն ունի մոտ 2000 բնակիչ, ովքեր զբաղվում են հիմնականում անասնապահությամբ եւ այգեգործությամբ: Գյուղի դպրոցում սովորում է 150 երեխա:
«Արտագնա աշխատանքի մեկնողներ էլ շատ կան, մոտ մի 150 հոգի: Գնում են Ռուսաստան հիմնականում: Եվ ընտանիքներով են գնում, եւ առանց ընտանիքի: Ոմանք ընտանիքով մնում են, էլ հետ չեն գալիս»,- ասում է Ավալյանը:
