Ադրբեջանը չի ցանկացել, որ հայ գերիների հարազատներն այցելեն

Պաշտոնական Երևանը դեմ չէ, որ արցախյան հակամարտության հակառակ կողմերի մոտ պահվող անձանց հարազատները այցելեն նրանց։ Նույն դիրքորոշումն ունի նաև պաշտոնական Ստեփանակերտը։ Այս մասին հայտարարել է Արցախի ԱԳՆ ղեկավար Մասիս Մայիլյանը։

«Որքան ես գիտեմ՝ Ադրբեջանից ցանկություն չի եղել։ Եթե այդպիսի ցանկություն լինի, մենք կաշխատենք այդ ուղղությամբ»,- ասել է Մայիլյանը ռուսական Kommersant-ի հետ զրույցում։

Նախարարը խոսել է նաև բնակչությունները խաղաղության նախապատրաստելու գործընթացի մասին ու ասել, որ այս տարի և ընդհանրապես վերջին շրջանում հրադադարի ռեժիմի խախտումները նվազել են նախորդ տարիների համեմատ։