Ինչպես տեղեկացնում է Kavkaz-uzel.ru-ն, Ադրբեջանում զառանցանքը հասնում է արդեն անհավանական մակարդակի:
Պարզվել է, որ Բաքվում կայանալիք գեղարվեստական մարմնամարզության Եվրոպայի առաջնությանը նախապատրաստվող Բելառուսի հավաքականին խնդրել են փոխել իրենց հիմնական վարժության ժամանակ հնչող Արամ Խաչատրյանի «Սուսերով պարը»: Այս մասին երեկ կայացած մամուլի ասուլիսի ժամանակ հայտարարել է Բելառուսի հավաքականի գլխավոր մարզիչը: Հենց դրանով է նա պայմանավորել վերջերս Բելառուսում կայացած աշխարհի գավաթում ցուցադրած վատ արդյունքները, քանի որ թիմը ստիպված է եղել շտապ փոխել այդ երաժշտությունը:
Բելառուսի հավաքականի գլխավոր մարզիչ Լեպարսկայան այս խնդրանքն իսկական հիմարություն է որակել:
