Վատիկանի մամուլի ծառայությունը Twitter-ի իր էջում տեղադրել է գրաֆիտիի լուսանկար, որում Հռոմի պապ Ֆրանցիսկոսը ներկայացված է սուպեր հերոսի կերպարով։ «Մենք ձեզ հետ կիսվում ենք գրաֆիտիի լուսանկարով, որը հայտնաբերել ենք Հռոմի փողոցներից մեկում», — ասվում է էջում տեղադրված լուսանկարի բնութագրում։
Այս գրաֆիտին հայտնվել է երեկ՝ Սուրբ Պետրոսի հրապարակի հարևանությամբ։ Գրաֆիտիում Ֆրանցիսկոսը պատկերված է մի բռունցքը վերև բարձրացրած (սուպերմենի կերպարանքով), մյուս ձեռքում կա պայուսակ՝ «նշանակություն» գրությամբ։
