Սիրիայի փոխարտգործնախարար Ֆեյսալ Միկդադը, ով Ժնևում ներկայացնում է սիրիական իշխանությունների պատվիրակությունը, այսօր իր ափսոսանքն է հայտնել բանակցությունների 2-րդ փուլի անարդյունավետ անցկացման կապակցությամբ։
«Ես ցանկանում եմ ափսոսանք հայտնել, որ այս փուլը բանակցությունների համար որևէ նշանակալի արդյունք չտվեց», — Միկդադի խոսքերն է փոխանցում «Ինտերֆաքսը»։
Հիշեցնենք, որ Ժնևում բանակցությունների 2-րդ փուլը մեկնարկել էր փետրվարի 10-ին։
