Ուկրաինայի ազգային օլիմպիական կոմիտեի նախագահ, օլիմիական չեմպիոն և Ուկրաինայի հերոս Սերգեյ Բուբկան կոչ է արել Ուկրաինայի հասարակությանը՝ ներքաղաքական խնդիրները լուծել խաղաղ բանակցությունների միջոցով: Այս մասին հաղորդում է BBC-ն:
Նա հիշեցրել է, որ Օլիմպիական խաղերի ժամանակ միշտ դադարել են պատերազմները, նրա խոսքերով` ինքն առաջարկում է Օլիմիական հրադադար հայտարարել Սոչիի խաղերի ընթացքում: «Մեզ անչափ պետք է օլիմպիական հրադադարը… Եթե հնարավոր լինի խաղաղություն հաստատել Օլիմպիական խաղերի 16 օրերի ընթացքում, ապա ինչու այն հարատև չդարձնենք», — ասվում է Բուբկայի հայտարարության մեջ:
