Մադրիդի «Ռեալի» հարձակվող Կրիշտիանո Ռոնալդուն Իսպանիայի ֆուտբոլի ֆեդերացիայի կողմից երեք խաղով որակազրկվել է՝ նախորդ տուրում կարմիր քարտով դաշտից հեռացվելու համար: Այս մասին հաղորդում է Marca-ն:
Պորտուգալացին բաց կթողնի «Վիլյառեալի», «Խետաֆեի», «Էլչեի» դեմ խաղերը, սակայն կմասնակցի Իսպանիայի գավաթի 1/4 եզրափակիչի` «Ատլետիկոյի» հետ խաղին:
Հիշեցնենք, որ Ռոնալդուն հեռացվել էր խաղադաշտից «Ատլետիկի» ֆուտբոլիստին հարվածելու, այնուհետև մրցավարին վիրավորական ժեստ ցուցադրելու համար:
