Բրազիլացի լեգենդար ֆուտբոլիստ Ռոնալդոն չի բացառել, որ առաջիկայում կդառնա ֆրանսիական ՊՍԺ ակումբի մարզական տնօրեն։ Այս մասին նա հայտնել է ֆրանսիական լրատվամիջոցներին փարիզյան այցի ժամանակ։
Նրա խոսքերով՝ դա կարող է տեղի ունենալ, բայց միայն աշխարհի առաջնությունից հետո, որը կայանալու է այս տարվա ամռանը նրա հայրենիքում՝ Բրազիլիայում։ Ներկայում Ռոնալդոն զբաղեցնում է Մունդիալ 2014-ի դեսպանի պաշտոնը։
Հիշեցնենք, որ, որպես պրոֆեսիոնալ ֆուտբոլիստ, Ռոնալդոն մասնակցել է 732 հանդիպման՝ դառնալով 509 գոլի հեղինակ։
