ԱՄՆ պետքարտուղար Ջոն Քերին Սիրիայի նախագահ Բաշար Ասադին ռազմական հարված հասցնելու սպառնալիքներ է հնչեցրել։ Հաղորդում է Reuters-ը։
«Մենք այժմ գիտենք, որ Ասադի վարչակարգը Սիրիայից չի հանում քիմիական զենքն այն արագությամբ, ինչպես նախապես խոստացել էր։ Ես ուզում եմ Բաշար Ասադին հիշեցնել, որ Նյու Յորքում ՄԱԿ-ի անվտանգության խորհրդի հետ ձեռք բերված համաձայնությունը հաստատում է, որ եթե սիրիական կողմը չկատարի իր խոստումը, ապա կկիրառվի ՄԱԿ-ի կանոնադրության 7-րդ գլուխը», — ասել է Քերին։
Նշենք, որ ՄԱԿ-ի կանոնադրության 7-րդ գլուխը թույլ է տալիս ուժ կիրառել համաձայնագիրը ստորագրած, սակայն դրանով ստանձնած պարտավորությունները չկատարած կողմի վրա, որն այս դեպքում հանդիսանում են Սիրիայի կառավարությունն ու ընդդիմությունը։
