Hermitage Capital Management ընկերությա հիմնադիր և գլխավոր տնօրեն Ուիլյամ Բրաուդերը կարծիք է հայտնել, որ ռուսաստանյան գործող համակարգը չի դիմանա, եթե նավթի գները նվազեն մինչև 60 դոլար մեկ բարելի համար։ Այս մասին գրում է The Telegraph-ը։
«Անհրաժեշտ է միայն, որպեսզի նավթի գինը մեկ բարելի համար կազմի 60 դոլար, և Պուտինը կհեռանա մեկ տարում։ Դուք կզարմանաք, թե իրականում որքան փխրուն է այս համակարգը», — ասել է Բրաուդերը Դավոսի տնտեսական համաժողովի ժամանակ։ Ըստ Բրաուդերի, ով ինքն իրեն «Պուտինի թիվ մեկ թշնամին է համարում», այս դեպքում Ռուսաստանին չեն օգնի նույնիսկ նրա պահուստները։
«Մենք դա տեսել ենք 2008 թվականին, երբ ամեն ինչ փլուզվեց մի քանի ամսվա ընթացքում, թեպետ Ռուսաստանը 3-րդն է աշխարհում իր պաշարներով։ Այդպես չպետք է լիներ, սակայն եղավ», — ասել է գործարարը։ Նա կանխատեսում է, որ Ռուսաստանում էլ կարող են լինել Ուկրաինայի օրինակով զարգացումներ, եթե նվազի նավթի գինը կամ իր խոսքն ասի ԱՄՆ-ի պահուստային դաշնային հիմնադրամը։ «Պուտինի դաշնակիցներն անմիջապես կհրաժարվեն նրանից, երբ խնդիրներ առաջանան»,- ասել է Բրաուդերը։
