Այս նախագծի նպատակը հետեւյալն է կատարենք մեկ կամ երկու քայլ առաջ: Այս մասին այսօր Ազգային Ժողովի նիստին ասաց ՀՀԿ պատգամավոր Հովհաննես Սահակյանըˋ ներկայացնելով «Ազգային ժողովի կանոնակարգ» Հայաստանի Հանրապետության օրենքում լրացում կատարելու մասին նախագիծը:
«Ինչպես պարոն Ջհանգիրյանը նշեց Դատախազության հաշվետվությունները առաջ ուղարկում էին Ազգային Ժողով: Այս դեպքում ցանկանում ենք, որպեսզի կազմակերպենք հրապարակային քննարկում: Պատգամավորները կարողանան հարցեր հնչեցնել, իրենց տեսակետները հնչեցնել ելույթի ձեւով»,- ասաց Սահակյանը:
Ըստ նախագծի գլխավոր դատախազը եւ այլ պաշտոնատար անձիք պետք է հանդես գան Ազգային Ժողովում հրապարակային հաշվետվությամբ:
«Պատգամավորներին կկարողանանք հասու դարձնել եւ տեղեկացնել նաեւ դատախազական ոլորտի գործունեությանը»,- ասաց Սահակյանը:
