Ուկրաինայի նախագահը պատրաստ է կիրառել բոլոր հնարավոր մեթոդները ճգնաժամի հաղթարման համար, եթե դրանք չեն ենթադրում ուժի կիրառում: Այս մասին հաղորդում է vesti.ru-ն:
Այսօր Ուկրաինայի օրենսդիր մարմինը կրկին քննարկում էր ընդդիմության հետ խաղաղ բանակցություններ վարելու խնդիրը: Չնայած օրեր շարունակ տեղի ունեցած բախումներին ուկրաինացի ցուցարարների և ուժային կառույցների ներկայացուցիչների միջև` Յանուկովիչը հայտնում է իր պատրաստակամությունը խնդիրը լուծել բանակցային հարթակում, ինչում կարևորվել է Ռադայի դերը:
Ըստ Ռեգիոնների կուսակցության ներկայացուցիչ Յուրի Միրոշնիչենկոյի` երկրի նախագահը հայտնել է, որ քաղաքական գործիչների միջև համաձայնության ձեռք բերման անհնարինության դեպքում, միակ լուծումը կարող են լինել արտահերթ ընտրությունները: Ընդ որում խոսքը գնում է ինչպես պառլամենտական, այնպես էլ նախագահական արտահերթ ընտրությունների մասին: Պատգամավորը չի բացառել նաև Սահմանդրության փոփոխության սցենարը` դա համարելով ծայրահեղ տարբերակ:
Հաջորդ շաբաթ Ռադայում մթնոլորտը շիկացած է լինելու: Նույն Միրոշնիչենկոն կանխատեսեց, որ քննարկումները կընթանան խմբակցությունների միջև թեժ կոնֆլիկտների պայմաններում:
