75 տարեկան հասակում մահացել է Իսպանիայի հավաքականի նախկին գլխավոր մարզիչ Լուիս Արագոնեսը: Այս մասին հաղորդում է Marca-ն:
Անվանի մասնագետը, ում հետ Իսպանիայի հավաքականը 2008 թվականին դարձել է Եվրոպայի չեմպիոն, մահացել է Մադրիդի հիվանդանոցներից մեկում: Ֆուտբոլիստ եղած ժամանակ Արագոնեսը դարձել է Իսպանիայի չեմպիոն Մադրիդի «Ատլետիկոյի» կազմում (1966, 1970, 1973):
Բացի հավաքականից, մարզիչը ժամանակին ղեկավարել է իսպանական «Սևիլյան», «Վալենսիան», «Բետիսը», թուրքական «Ֆեներբահչեն»:
