Շվեյցարիայում Սիրիայի կառավարական և ընդդիմադիր պատվիրակությունների միջև բանակցություններում առաջընթաց է նկատվում: Այս մասին հայտարարել է ՄԱԿ-ի գլխավոր քարտուղար Բան Կի Մունը, ով աշխատանքային այցով Բեռլինում է:
Նրա խոսքերով` «հիմնական նպատակը կոնկրետ միջոցառումները կյանքի կոչելն է, որոնց միջոցով քաղաքացիական պատերազմից տուժած երկրում հնարավոր կլինի նվազեցնել քաղաքացիական բնակաչության տառապանքները»: Միաժամանակ, Բան Կի Մունը հավելել է, որ իրավիճակը շարունակում է ծանր մնալ: Նա հաստատել է, որ ուրբաթ օրը բանակցությունները կընդհատվեն, ինչը թույլ կտա պատվիրակություններին վերադառնալ Սիրիա և իրենց ղեկավարների հետ քննարկել դրանց ընթացքը:
