Ճապոնական Fujitsu ընկերությունը հայտարարել է Lifebook AH90/P նոր նոութբուքերի արտադրության մասին։
Այն նախատեսված է 60 տարեկանից բարձր օգտագործողների համար։ Համակարգչի ստեղնաշարի կոճակները փոքր ինչ հեռու են մեկը մյուսից եւ լուսավորված։ Այն ունի Awaseru Voice համակարգ, ինչը թույլ է տալիս ապահովել ձայնի որակը՝ վատ լսող մարդկանց համար։ Բացի այդ, այն թույլ է տալիս ընտրել գույնի լույսի անհրաժեշտ բալանսը։
Համակարգիչն աշխատում է Intel Core i7 4500U պրոցեսորով, ունի 15.6 դյույմանոց էկրան, 8 Գիգաբայթ օպերատիվ հիշողություն։ Ճապոնիայում համակարգիչը վաճառքի կհանվի փետրվարի 13-ին։
