Հարի Փոթերի հայտնի գրքի հեղինակ Ջոան Ռոուլինգը ներողություն է խնդրել ընթերցողներից այն բանի համար, որ Հերմիոնա Գրեյջերը դարձել է ոչ թե Փոթերի, այլ Ռոն Ուիզլիի սիրուհին: Այս մասին հաղորդում է The Sun-ը:
Ռոուլինգը խոստովանել է, որ իր բնավորությամբ Հարին և Հերմիոնան ավելի էին սազում մեկը մյուսին: Նա խոստովանել է, որ չի արդարացրել ընթերցողների սպասումները: «Ներողություն եմ խնդրում, գիտեմ և լսել եմ ցասման և դժգոհության կարծիքներ, որոնք ունեցել են որոշ ընթերցողներ, ես ամբողջությամբ անկեղծ եմ, հիմա կարող եմ այդ ամենին հեռվից նայել և ասել, որ այդ ընտրությունը կատարել եմ բացառապես անձնական պատճառներով, այլ ոչ թե հավաստիության համար: Չեմ կարծում, թե այս խոստովանությամբ հիասթափեցնելու եմ մարդկանց»,- ասել է հեղինակը:
Ռոուլինգն ասել է, որ եթե շարունակեր Փոթերի պատմությունը, իսկ նա պատրաստվում է դա անել, ապա Հերմիոնան և Ռոնը խնդիրներ կունենան և կդիմեն հոգեբանի:
