Հաագայում ՄԱԿ-ի միջազգային դատարանը մասամբ բավարարել է Պերուի Հանրապետության հայցը, որը վիճարկել է Խաղաղ օվկիանոսի ջրերի նկատմամբ Չիլիի իրավունքները։ Այս մասին հայտնում է BBC-ն։
Դատավորները նոր ջրային սահման գծելու որոշում են կայացրել, որով Պերուի կազմի մեջ կմտնի հարակից ջրային տարածքների մի մասը, որոնց երկիրը հավակնում է։
Նշենք, որ այդ ջրերի շուրջ վեճն առկա է դեռ 1883 թվականից, երբ Պերուն պարտություն էր կրել Չիլիից Երկրորդ Խաղաղօվկիանոսյան պատերազմում։
