Երուսաղեմում մի քանի հազար մարդ Լացի պատի մոտ աղոթել են Աստծոն, որպեսզի նա Իսրայելը փրկի «Ջոն Քերիի» նախաձեռնություններից։ Աղոթողների մեջ եղել են րաբբիներ, աջակողմյան կազմակերպությունների ներկայացուցիչներ, վերաբնակեցվածներ։ Աղոթքին մասնակցել են նաև քաղաքաշինության նախարար Ուրի Արիելը և մի քանի պատգամավոր։ Այս մասին հաղորդում է NewsruIsrael-ը։
Աղոթքի առիթ է հանդիսացել պաղեստինա-իսրայելյան բանակցային գործընթացը, որը հովանավորվում է ԱՄՆ պետքարտուղարի կողմից։ Այս տարվա սկզբից քննադատություն է հնչում Ջոն Քերիի հասցեին, որի առաջարկած ծրագրով՝ վերջնական խաղաղության հասնելու համար անհրաժեշտ է, որպեսզի Իսրայելն ազատի պաղեստինյան որոշ տարածքներ, որտեղ արդեն կառուցվել են իսրայելյան բնակավայրեր։
