Միավորված ազգերի կազմակերպությունը հետ է կանչել Սիրիայի հարցով «Ժնև 2» կոնֆերանսիան մասնակցելու Իրանին հղված հրավերը։ Այս մասին հաղորդում է Reuters գործակալությունը։
Բան Կի Մունի պաշտոնական ներկայացուցիչն ասել է, որ հրավերը հետ է կանչվել այն պատճառով, որ Իրանի ներկայացուցիչը ՄԱԿ-ում հայտարարել է, որ իր երկիրը չի ընդունում «Ժնև 1»-ի արդյունքները։ ՄԱԿ-ում նշում են, որ Իրանը Մանտրյոյի հավաքից առաջ չի կիսում սիրիական հակամարտության կարգավորման սկզբունքների «ընդհանուր ըմբռնումը», ինչը դրված է Ժնևյան հայտարարության հիմքում։
«Բան Կի Մունը շարունակում է համընդհանուր կոնսենսուսի կոչ անել Իրանին՝ «Ժնև 1»-ի հարցով։ Գլխավոր քարտուղարը որոշում է կայացրել, որ Մոնտրյոյի հավաքը կլինի առանց Իրանի», — ասվում է հայտարարության մեջ։
Հիշեցնենք, որ նախօրեին Բան Կի Մունը հրավեր էր ուղարկել Իրանի արտգործնախարարին, ինչը հարուցել էր ԱՄՆ-ի դժգոհությունը, քանի որ Իրանը չի պատրաստվում ընդունել «Ժնև 1»-ի արդյունքները։
