Թուրքիայի ժանդարմերիան ընդլայնում է Ադրբեջանի ներքին զորքերի հետ համագործակցությունը

Ադրբեջանի ներքին գործերի փոխնախարար, Ներքին զորքերի հրամանատար, գեներալ-մայոր Շահին Մամեդովի գլխավորած պատվիրակությունը պաշտոնական այցով մեկնել է Թուրքիա։ Այս մասին հաղորդում է Trend-ը։

Այցելության առաջին օրը Մամեդովը հանդիպել է Թուրքիայի ժանդարմերիայի գլխավոր հրամանատար, բանակի գեներալ Սերվեթ Յորուքի հետ։

Յորուքը նշել է, որ 2 կառույցների միջև համագործակցությունը գտնվում է բարձր մակարդակի վրա։ Իր հերթին, Մամեդովը գոհունակություն է հայտնել Թուրքիա կատարած այցի կապակցությամբ։