Այսօր ԵԽԽՎ հայաստանյան պատվիրակությունը Ազգային Ժողովում լրագրողների հետ հանդիպմանը ներկայցրեց, թե ինչ զեկույցներով են հանդես եկել վերջերս Ստրասբուրգում տեղի ունեցած ԵԽԽՎ հանդիպման ժամանակ:
Պատվիրակության ղեկավար, ՀՀԿ պատգամավոր Դավիթ Հարությունյանը նշեց, որ ԵԽԽՎ-ն մի կառույց է, որտեղ բարձրացվում են համաեվրոպական հարցեր, որոնք անդրադարձ են ունենում նաեւ Հայաստանի վրա:
«Եւ այդ ամենից դուրս մնալը կնշանակի, որ մեր խոսքը հասանելի չի լինի: Ակնկալիքներ ունենալ շատ պետք չէ նման կառույցներինց, ովքեր միշտ տանում են բալանսավորված մոտեցում, ինչը մեր կողմից չի ընդունվում: Այնուամենայնիվ մենք շարունակելու ենք մեր աշխատանքը»,-ասաց Դավիթ Հարությունյանը:
Պատվիրակության անդամ, ՕԵԿ պատգամավոր Մհեր Շահգելդյանը մեկնաբանեց Էներգիայի դիվեսիֆիկացման վերաբերյալ զեկույցըˋ նշելով.«Մի շարք առաջարկություններ եղան, որոնք կարող են դիտարկվել ռազմավարական նոր մեխանիզմներ այլընտրանքային էներգիայի կիրառման համար եւ ՀՀ-ում կան մի շարք ուսումնասիրություններ այլընտրանքային աղբյուրների վերաբերյալ: »,-ասաց Շահգելդյանը:
Նա նշեց, որ ուրախալի է, որ հենց ԵԽԽՎ-ի կողմից չի ողջունվում գազի եւ նավթի սոցիալական զարգացման նավթադոլարները փոխանցել ռազմական ներուժի հիպերզարգացման վրա:
«Ինչը ուղեկցվում է ռազմական պատրաստվածության բարձրացմամբ եւ պատերազմի կոչերով, ինչը կատարվում է հենց ադրբեջանցիների կողմից»,-ասում է Շահգելդյանը:
Լրագրողների այն հարցին, թե ինչու Զաորւհի Փոստանջյանը չէր ներկայացել եւ մասնկացել ԵԽԽՎ պատվիրակության կազմի հադիպմանը, Դավիթ Հարությունյանը պատասխանեց.
«Ես Զարուհի Փոստանջյանի ուղեւորությունների հարցով չեմ զբաղվում եւ ճիշտ կլինի իրենից հարցնեք»:
