Individuum Casting Production-ի ղեկավար Աշոտ Սարգսյանին եւ Վրաստանի բարձրաստիճան պաշտոնյաներից մեկի գեղեցկուհի դստերը միասին տեսել են Երեւանի սրճարաններից մեկում:
Araratnews.am-ի թղթակիցը փորձել է ճշտել, թե վրացուհին ինչ նպատակով էր ժամանել Երեւան եւ, թե ինչ հարաբերություններ են կապում նրան Աշոտ Սարգսյանի հետ.
— Այո, ես էի նրան հրավիրել: Նինին պրոֆեսիոնալ մոդել է: Նրա ծնողների դիրքը ինձ հետաքրքիր չի: Չգիտես ինչու, մարդկանց թվում է, որ եթե մի տեղ կա շքեղ աղջիկ, ուրեմն պարտադիր պետք է լինի նաեւ սիրո պատմություն: Ցավոք պիտի հիասթափեցնեմ: Մեր գործի սպեցիֆիկայից ելնելով շքեղ աղջիկները շատ հաճախ են հրավիրվում, սակայն միայն նկարահանումների համար:
Նինին եկել էր Վաչե Ամարյանի «Օլյա» երգի տեսահոլովակում նկարահանվելու համար: Տեսահոլովակի ռեժիսորն էր Ժոռ Մելոյանը, այն միանշանակ կարելի է համարել հաջողված:
Նինին Հայաստանում էր ընդամենը 5 օր, որոնցից 2-ն անց է կացրել նկարահանման հրապարակում:
Նման խոսակցություններ էին տարածվել նաեւ Վաչեի առաջին` Բալա տեսահոլովակի ժամանակ, որի գլխավոր հերոսուհուն նույնպես ես էի հրավիրել, այնպես որ արդեն չեմ զարմանում: Հետեվեք Individuum-ի աշխատանքներին եւ կտեսնեք, որ նման գեղեցկուհիներ դեռ շատ կհայտնվեն հայկական տեսահոլովակներում:
