ԱՄՆ հատուկ ծառայությունները գաղտնալսել են Գերմանիայի նախկին կանցլեր Գերհարդ Շրյոդերին։ Այս մասին գրում է The Guardian-ը։
Süddeutsche Zeitung-ը հրապարակել է Էդվարդ Սնոուդենի տրամադրած հերթական գաղտնի փաստաթուղթը, որը վկայում է, որ Շրյոդերին հետևել են Իրաքում ԱՄՆ-ի կողմից վարած պատերազմի ժամանակ, քանի որ Գերմանիայի կանցլերը քննադատում էր այն։ Բացի տեքստային տեղեկություններից, Ազգային անվտանգության գործակալությունը ձայնագրել է Շրյոդերի խոսակցությունները։
Հիշեցնենք, որ նույն փաստաթղթերի համաձայն՝ ամերիկյան հատուկ ծառայությունները գաղտնալսել են նաև գործող կանցլեր Անգելա Մերկելին։
