ԱՄՆ Սենթ Լուիս քաղաքի 58-ամյա բնակիչ Ջևոն Բրաունը որոշել է վրեժ լուծել բոլոր այն ընկերություններից, որոնք մերժել են իրեն աշխատանքի տեղավորման հարցում։ Այս մասին գրում է The Huffington Post-ը։
Նա փոքրիկ ծանրոցներով իր կատվի կղանքն ուղարկել է բոլոր գործատուներին, ովքեր մերժել են իրեն։ Ի վերջո, գարշելի հոտով ծանրոցների հասցեատերերը բողոքել են ոստիկանություն։ Քննիչները պարզել են, որ Բրաունը նման կերպ «շնորհակալություն է» հայտնել 20 գործատուի։
Ոստիկանությունում ասել են, որ թեպետ սա լուրջ հանցագործություն չէ, սակայն դրանից տուժել են ոչ միայն աշխատատուները, այլև փոստի աշխատակիցները, ովքեր ստիպված են եղել տեղ հասցնել ծանրոցները։
Ի վերջո Բրաունը ստացել է պայմանական 2 տարվա ժամկետ։
