Ուկրաինայի նախկին վարչապետ Նիկոլայ Ազարովը երեկ մասնավոր ինքնաթիռով մեկնել է Ավստրիա։ Այս մասին հաղորդում է ավստրիական Kronen Zeitung թերթը։ Ըստ նույն աղբյուրի՝ այժմ նախկին վարչապետը գտնվում է իր որդու մոտ և մտադիր է երկար մնալ եվրոպական այդ երկրում։
Հայտնի է, որ Ազարովի որդին կացության իրավունք ունի Ավստրիայում։ Ազարովի մամուլի ծառայությունը ոչ հերքել է և ոչ էլ հաստատել Ազարովի գտնվելու վայրի մասին տեղեկությունը՝ նշելով, որ դա բացառապես նրա անձնական գործն է։
