Ադրբեջանի արտաքին գործերի նախարարությունն ուսումնասիրում է այդ երկրի քաղաքացի գրոհայինների մասնակցությունը Սիրիայի պատերազմին։ Այս մասին լրագրողների հետ հանդիպման ժամանակ ասել է Ադրբեջանի արտաքին գործերի նախարար Էլմար Մամեդյարովը։
«Ինչպես հայտնի է՝ լարված դրության պատճառով Սիրիայում Ադրբեջանի դեսպանատունը տեղափոխվեց Լիբանան։ Մեզ դժվար է վերահսկել Սիրիայի տարածքում համաքաղաքացիների գործողությունները։ Ուշադիրր հետևում ենք իրադարձություններին և, իհարկե, ցանկանում ենք, որպեսզի մեր համաքաղաքացիները չզոհվեն Սիրիայում», — ասել է նախարարը։ Այս մասին հաղորդում է Trend գործակալությունը։
Հիշեցնենք, որ մամուլում պարբերաբար հայտնվում են լուրեր Սիրիայի կառավարական զորքերի կողմից գերեվարված կամ սպանված գրոհայինների մասին, ովքեր ունեն Ադրբեջանի քաղաքացիություն կամ ծագում։
