տուն Քաղաքական Հայաստան Վաղաշեն գյուղում երեք ծրագիր կիրականացվի

Վաղաշեն գյուղում երեք ծրագիր կիրականացվի

351
0

Գեղարքունիքի մարզպետ Գնել Սանոսյանը «Ֆեյսբուքի» իր էջում հայտնում է․

«Գեղարքունիքի մարզի Վաղաշեն գյուղում այս տարի կիրականացվի սուբվենցիոն երեք ծրագիր: Դրանք արդեն հավանության են արժանացել միջգերատեսչական հանձնաժողովի կողմից:

Սուբվենցիոն առաջին ծրագրով նախատեսված է բազմաֆունկցիոնալ ամբարձիչ էքսկավատորի ձեռքբերում: Ծրագրի նախահաշվային արժեքը կազմում է 35 միլիոն 500 հազար դրամ, որի 55 տոկոսը կամ 19 միլիոն 525 հազար դրամը հատկացնում է ՀՀ կառավարությունը, 45 տոկոսը կամ 15 միլիոն 975 հազար դրամը՝ Վաղաշենի համայնքապետարանը:

Սուբվենցիոն երկրորդ ծրագրով նախատեսվում է գույքի ձեռքբերում համայնքի մանկապարտեզի կարիքների համար: Այս ծրագրի նախահաշվային արժեքը կազմում է 15 միլիոն 460 հազար դրամ, որի 55 տոկոսը կամ 8 միլիոն 503 հազար դրամը հատկացնում է ՀՀ կառավարությունը, 45 տոկոսը կամ 6 միլիոն 957 հազար դրամը՝ Վաղաշենի համայնքապետարանը:

Սուբվենցիոն երրորդ ծրագրով նախատեսվում է «Կոփոյ վար» կոչվող արոտավայրի ջրարբիացման, ոռոգման, կենցաղային եւ տեխնիկական ջրի ջրաքանակի ավելացում: Ծրագրի նախահաշվային արժեքը կազմում է 50 միլիոն 750 հազար դրամ, որի 70 տոկոսը կամ 35 միլիոն 525 հազար դրամը հատկացնում է ՀՀ կառավարությունը, 30 տոկսոսը կամ 15 միլիոն 225 հազար դրամը՝ Վաղաշենի համայնքապետարանը: Շինարարական երեք մրցույթներն էլ հայտարարված են: Համայնքի համար կենսական նշանակության շատ կարեւոր ծրագրեր են իրականացվում: Բազմաֆունկցիոնալ ամբարձիչ էքսկավատորը կօգտագործվի համայնքի ոռոգման առուների մաքրման, խմելու ջրագծի վթարների վերականգնման, ճանապարհների հարթեցման ու մաքրման համար: Այն նաեւ կտրամադրվի վարձակալության՝ համայնքի բյուջեի համար լրացուցիչ եկամուտներ ապահովելու նպատակով: Վաղաշենի մանկապարտեզում այժմ ընթանում են հիմնանորոգման աշխատանքներ, որոնք մեկնարկել են անցած տարվա վերջերից, դարձյալ սուբվենցիոն ծրագրի շրջանակներում, 112 միլիոն 374 հազար դրամ պայմանագրային արժեքով:

Շատ կարեւոր է մանկապարտեզն ապահովել համապատասխան գույքով, որպեսզի տարիներ շարունակ անբարեկարգ վիճակի պատճառով պարապուրդի մատնված մանկապարտեզի վերաբացման համար որեւէ խնդիր չառաջանա: «Կոփոյ վար» կոչվող տարածքի արոտավայրի ջրարբիացմամբ համայնքում լուծում կստանան արոտների ջրարբիացման եւ ոռոգման ջրի մատակարարման հետ կապված խնդիրները: Լեռնային բարդ պայմաններում կկառուցվի 1,8 կիլոմետր երկարության ջրատար եւ 3 աղբյուրակապ»։